Close Menu

Шпанската министерка за одбрана: Испративме воени бродови во Медитеранот и во Црното Море, размислуваме за авиони

0
By on СВЕТ
Фото: huffingtonpost.es
Published: Friday, January 21, 2022 08:32
Шпанија испрати воени бродови како придружба на поморските сили на НАТО во Средоземното Море и во Црното Море, додека тензиите во регионот се зголемуваат поради трупањето војници на Русија на границата со Украина, изјави министерката за одбрана, Маргарита Роблес. Таа додаде дека миноносач веќе е на пат кон регионот и фрегатата ќе исплови за три или четири дена. Исто така, рече дека Владата во Мадрид размислува да испрати борбени авиони во Бугарија.

Русија не може да ѝ каже на ниту една земја што да прави, така што НАТО ќе го заштити суверенитетот на секоја земја што може или сака да се приклучи на НАТО, истакна Роблес.

Таа, сепак, додаде дека „Шпанија се залага за исклучително дипломатски одговор за решавање на конфликтот“.

САД и сојузниците на НАТО се загрижени поради распоредувањето на околу 100.000 руски војници на границата со Украина и стравуваат дека Москва планира напад врз земјата. Русија тврди дека тоа се нејзини војници на нејзина територија.

Американскиот државен секретар Антони Блинкен утре ќе отпатува за Женева каде ќе се сретне со рускиот министер за надворешни работи Сергеј Лавров за да се обидат да ја разрешат кризата.

Share.