Поранешниот портпарол на Ослободителната војска на Косово (ОВК) и поранешен претседател на Собранието на Косово, Јакуп Красниќи, пред Специјализираните совети на Косово (ССК) изјави дека не е виновен за воени злосторства.
Красниќи рече дека го прочитал обвинението и се изјасни за невин.
„Господине судија, го прочитав документот, обвинението и последниот дел и со полна свест можам да кажам, тешко ми е да го разберам првото обвинение и продолжението, бидејќи сум убеден дека такви дела не сум сторил во мојот живот. Се декларирам како целосно невин и секако бараме судењето да се забрза и да не држат толку долго“, рече Красниќи.
Красниќи појаснува дека цел живот е човек со интегритет во однос на најсилните, но за најслабите никогаш не покажал знаци на дивјаштво или презир, освен човечко сочувство.
„Денес кажувам неколку зборови, можеби грешам, но никогаш немаше да верувам да не беше овој случај, дека образованите правници во земјите со либерални демократии, со традиција, кои тврдат дека работат во кредибилен правосуден систем, се осмелуваат да подигнат обвинение кое се потпира само на лагите на Србија, кои ги нарушуваат слободата и правата на поединецот и удираат во сржта на правото на слободата, дополни Красниќи.
Како што вели тој, се срами што живее во ова време на ваков вид хомосапиенс каде толку лесно се уништуваат животите на луѓето и семејствата кои се осмелиле да се борат слобода, демократија и за независност.
Весели и Тачи се изјаснија за невини во извршувањето на воени злосторства во Хаг