Украинската воздушна одбрана собори 35 беспилотни летала од иранско производство над Киев во последниот ноќен напад на Русија, додека во нападите низ Украина од страна на силите на Кремљ загинаа четворица цивили, соопштија денес официјални лица.
Бомбардирањата се случија кога Москва воведе засилени безбедносни мерки во пресрет на традиционалните комеморации на Црвениот плоштад по повод поразот на нацистичка Германија во Втората светска војна.
Руските медиуми пребројаа најмалку 21 руски град кои ги откажаа воените паради – основната прослава на Денот на победата низ Русија – на 9 мај за прв пат по многу години. Регионалните официјални лица наведоа „безбедносна загриженост“ или нејасно се осврнаа на „актуелната ситуација“.
Парадите ќе се одржат во најголемите градови во Русија, Москва и Санкт Петербург. Но, употребата на дронови е забранета во двата града пред Денот на победата. Во Санкт Петербург, кој често се нарекува „северна Венеција“ поради својата мрежа од реки и канали, употребата на џет скии во одредени делови од градот исто така е забранета до 10 мај. Во руската престолнина, услугите за рентање автомобили се привремено забрането од и кон центарот на градот.
Пет лица во главниот град се повредени од паѓање на остатоци од дрон, изјави Серхи Попко, шеф на градската воена управа на Киев. Алармите за воздушен напад се огласуваа повеќе од три часа во текот на ноќта.
Соочена со економски санкции и ограничувања на синџирите на снабдување поради инвазијата на Украина, Русија се сврте кон иранските беспилотни летала Шахед за да ја зајакне својата огнена моќ.
Во руското гранатирање врз 127 цели низ северниот, јужниот и источниот дел на Украина загинаа тројца цивили, соопшти украинското Министерство за одбрана.
Силите на Кремљ користеле тенкови, беспилотни летала, минофрлачи, воени авиони, повеќе ракетни фрлачи и ракети земја-воздух за да ја бомбардираат Украина, се вели во извештајот.
Руските бомбардери со долг дострел лансираа до осум крстаречки ракети во јужниот украински регион Одеса, соопштија властите. Едно лице загина, а тројца се ранети.
Мета на проектилите биле индустриската зона во градот и не предизвикале жртви, рече регионалниот гувернер на Доњецк Петро Кириленко во објава на Телеграм.
И во Украина, 9 мај е нормално празник, но не и оваа година, поради војната.
Украинскиот претседател Володимир Зеленски денес изјави дека испратил нацрт-закон до парламентот со кој се предлага 8 Мај да биде Ден на сеќавање и победа над нацизмот во Втората светска војна а 9 Мај д а биде и Ден на Европа на 9 мај, дополнително оддалечувајќи го Киев од Москва.