По катастрофалниот настап во дебатата против Доналд Трамп, демократите разговараа за замена на Бајден во следната трка, пишува Телеграф.
Според нив, во текот на 90-минутното соочување Бајден мрморел, ги губел мислите и одвреме-навреме делувал целосно збунет.
Њујорк Тајмс пишува дека група демократски конгресмени сега размислуваат за нов претседателски кандидат откако виделе дека „катастрофа се одвива пред нивни очи“.
Дејвид Акселрод , поранешен висок советник на Обама , им рече на новинарите дека ќе има дебата во Демократската партија за тоа дали Бајден треба да се повлече.
Џон Кинг , главниот дописник на Си-Ен-Ен, тврди дека по завршувањето на дебатата избувнала „длабока и агресивна паника“ во Демократската партија, пренесува Newseek .
Никол Валас , дописник на MSNBC од Белата куќа, изјави за MSNBC дека дебатата за процесот на замена на претседателскиот кандидат е „жива и активна на највисоките нивоа на Демократската партија“.
Во контекст на смената на Џо Бајден, досега се споменува само гувернерот на Калифорнија, Гевин Њусом.