Она што влегува во очи при преглед на галеријата, е што на фотографиите од приемот на Амбасадата на Унгарија, земја членка и сегашен председавач со ЕУ покрај унгарското, ( како што е пракса во остнатите земји членки на ЕУ, дури и кај земјите кандидатки за членство) се гледа дека не е истакнато и знамето на ЕУ.
ЦМДТ / ЦивилМедиа.мк
На 24 октомври унгарската амбасада во Скопје одржавме свечен прием по повод сеќавањето на од Унгарската револуција од 1956 година каде почесен гостин беше Петер Штарај, државниот секретар на Министерството за надворешни работи и надворешни работи. На приемот присустваа и премиерот, вицепремиерот,и уште шест министри од Владата на Северна Македониј, повеќе од 350 гости, членови на дипломатскиот кор, претставници на верските заедници, претставици на одредени медиумите, како и припадници на македонските Унгарци.
Унгарската амбасада на својот Фејсбук профил објави и фотогалерија од настанот, каде може да се забележи дека централно место на прославата, покрај унгарскиот државен секретар им е дадена на свитата на македонскиот премиер и неговите министри, што и не е за чудење имајќи ги предвид тесните врски што ги гајат премиерот Мицкоски и унгарскиот премиер Виктор Орбан, и особено од фактот дека Владата на Христијан Мицкоски обезбеди за земјава унгарски кредит во висина на пола милијарди евра.
Она што влегува во очи при преглед на галеријата, е што на фотографиите од приемот на Амбасадата на Унгарија, земја членка и сегашен председавач со ЕУ покрај унгарското, ( како што е пракса во остнатите земји членки на ЕУ, дури и кај земјите кандидатки за членство) се гледа дека не е истакнато и знамето на ЕУ. Овен банерот на влезот од салата за претседателствувањето на Унгарија со ЕУ, во салата нема никави показатели дека Унгарија е членка на ЕУ. Дополнително, како што дознава ЦивилМедиа во разговор со дел од присутните, говорот на амбасадорот бил анти ЕУ, во кој тој воопшто не се воздржал да упати критики и обвинувања кон политиките на ЕУ кон неговата земја.
Имајќи предвид дека премиерот Мицкоски и ВМРО-ДПМНЕ, поддржани од коалиционите партнери во власта ја одбраа токму Унгарија да биде „навигаторот“ на патот на земјава кон членство во ЕУ, според потезите на констнтни конфронтации со Унијата кои ги влече унгарската страна, и не зачудува сегашната статус кво позиција на земјава во однос на отварањето на процесот на преговори за членство во ЕУ.
Текстот е сопственост на ЦивилМедиа