На повик на српските студенти организатори на повеќемесечниот отпор спрема актуелната власт на Србија и српскиот претседател Александар Вучиќ, речиси во сите српски градови млади, студенти и граѓани вечерва излегуваат на градските плоштади да ја прославаат победата на опозицијата на локалните избори во општина Зајачар.
Изборите во Зајачар, според аналитичарите, беа тест за генералното политичко расположение на српските граѓани.
Локалните избори во оваа српска општина навестуваат, како што констатираат повеќемина аналитичари за српската телевизија Н1, конечен пад на децениската со тоталитарни манири политика на претседателот Александар Вучиќ.
Некои од нив уште и велат дека по овие избори во Зајачар, по победата на опозицијата, конечно и ЕУ ќе соопшти отворена поддршка за почетокот на демократските процеси во Србија.