Доналд Трамп денес повторно е многу активен на Truth Social, каде што ги сподели своите мисли за НАТО во последните неколку минути.
Прво, тој препрати порака од друг корисник кој тврди дека вистинската закана за Соединетите Американски Држави се Обединетите нации и НАТО, а дека Кина и Русија се „само плашила.
Непријателот е внатре, ОН и НАТО и таа „религија“. Го ставив зборот „религија“ во наводници затоа што не е религија, туку „култ“, напиша во пораката американскиот претседател.
После тоа, тој самиот објави статус во кој го повторува своето старо тврдење дека никој не направил повеќе за НАТО од него.
Да не бев тука, немаше да има НАТО!!! Ќе беше на пепелта од Историјата. Жално, но вистинито!!!, напиша Трамп.
Трамп испрати покана до избрани држави да бидат членки на Одборот за мир со кој тој ќе претседава. Меѓу првите потпиша согласност за учество белорускиот претседател Лукашенко, но во ЕУ има отпор кон тој Одбор со кој Трамп ќе раководи за прашања на мирот во светот, пред се во Палестина.
Ова е изборот на држави од страна на Трамп кои се поканети да членуваат во “Одборот“ кој, во суштина е паралелен совет на Обединетите нации но, под раководство на една држава – САД