Последните информации велат дека турскиот претседател Таип Реџеп Ердоган ја вратил власта и дека вчерашниот обид за воен удар е неуспешен.
Според провладината турска агенција Анадолу, билансот на жртвите од вчерашниот неуспешен воен удар во Турција изнесува утринава 90 загинати и 1.154 ранети. Околу 200 војници кои се наоѓаат во генералштабот на армијата им се предадоа утринава на властите.
Рано утринава војската го ослободи и шефот на турската војска генералот Хулуси Акар. Тој беше затворен во една воена база блиску до Анкара и однесен на безбедно мести како што соопштија медиумите.
Ердоган триумфално се врати на аеродромот во Истамбул околу 3 часот наутро и изјави “Ниту една моќ не е посилна од волјата на народот” и додаде дека одговорните за воениот удар ќе ја платат цената на ова предавство.
Претседателот додаде дека овој воен удар ќе дозволи “чистење на армијата”.
Околку 6 часот утринава отвори и аеродромот во Истамбул а турската авиокомпанија Туркиш Ерлајнс нормално работи.