Доминика Цибулкова е прва финалистка на ВТА Мастерсот во Сингапур. Словачката тенисерка во полуфиналето ја совлада Светлана Кузнецова од Русија со 1:6, 7:6, 6:4. Нејзина противничка за титулата на турнирот на осумте најдобри тенисерки во сезоната ќе биде подобрата од дуелот меѓу Агнешка Радванска од Полска и Германката Анџелик Кербер, водечката на ВТА ранг листата.
Словачко-руската полуфинална пресметка донесе многу брејкови. Цибулкова шест пати освојуваше гемови на сервис на Кузнецова, а таа запиша два повеќе од нејзината противничка. Но, тенисерката од Братислава подобро се снајде во решавачките моменти и на крајот се радуваше на избореното место во големото финале.
Исходот од првото полуфинале во Сингапу е помалку изненадувачки. Цибулкова едвај ја мина групната фаза додека Кузнецова беше убедлива и покрај поразот од Мугуруза во третото коло што беше без значење. Тоа беше една од причините што ја правеа фаворитка не само за финале туку и за трофејот во Сингапур, но натпреварот покажа дека статус на хартија не секогаш се пресликува и во пракса.