Лидерот на ВМРО-НП, Љубчо Георгиевски ги обвини Демократскиот сојуз на Павле Трајанов и ФРОДЕМ на Јове Кекеновски за пропаднатите преговори во десниот блок.
Пред почетокот на Централниот комитет на неговата партија, во изјава за медиумите, Георгиевски рече дека би коалицирал и со ВМРО-ДПМНЕ доколку може да формира малцинска влада.
Тој дополни дека нема вистина во информациите од Коалицијата за правда и промени дека требало да се потпише изјава дека нема да се коалиција со Груевски, напротив, посочи дека повеќе зборувале за тоа колку биле разочарани од Заев како лидер на опозицијата, отколку што зборувале за Груевски и ВМРО-ДПМНЕ.
„Хипотетички, доколку на овие избори освоиме 15 пратеници и ВМРО-ДПМНЕ ни понуди со нивна помош да формираме малцинска влада, ние тоа би го прифатиле“, рече Георгиевски.
Тој кажа дека на Вентралниот комитет ќе се разгледува можноста за реактивирање на преговорите за десен блок, но најверојатно коалицијата ќе биде единствено помеѓу ВМРО-НП, ОМ и Достоинство.
Според Георгиевски, Коалицијата за Промени и Правда намерно ги „минирала“ преговорите, а доказ за тоа се изнесените информации дека „пукнала тиквата“ за формирање на десен блок, додека преговорите се уште траеле.