Шоу на Лионел Меси, Арсенал и ПСЖ повторно одиграа без победник, Манчестер сити се пласира во осминафинале, а Наполи не успеа до триумф на домашен терен против Динамо Киев. Ова се карактеристики во шестe вечерашни натпревари со кои беше комплетирано петтото коло во Лигата на шампиони.
Барселона во Глазгов го совлада Селтик со 2:0 со двата гола на Меси. Првиот на Аргентинецот беше ремек дело во 24 минута, вториот од пенал во 55 минута за зацврстување на првото место во групата Ц и пласман во осминафиналето. Друштво на шпанскиот гигант во нокаут фазата ќе му прави и Манчестер сити кој ремизира (1:1) на теренот на Борусија Менхенгладбах. Рафаел погоди за домашната екипа во 23 минута, Давид Силва израмни за гостинската во првата минута од продолжението пред паузата.
Арсенал и ПСЖ и на „Емирати“ ги поделија бодовите играјќи 2:2 (мечот во Париз заврши 1:1). Единсон Кавани и Оливие Жиру реализираа по еднаш на обете страни во првиот дел, Марко Верати и Алекс Ивобу ги погодуваа сопствените мрежи во вториот. Мрежите мируваа во Софија во вториот меч во групата А меѓу Лудогорец и Базел.
Наполи не успеа да го искористи ремито на Бенфика во Истанбул и да го преземе врвот на табелата во групата Б. Тимот од Серија А ремизира (0:0) пред своите гледачи против Динамо Киев и низ директна пресметка со португалскиот тим во Лисабон во последното коло ќе решава во кој правец ќе продолжи напролет.
Атлетико Мадрид ја забележа петтата победа во петтиот настап и единствена екипа е максимален ефект во сите осум групи во ЛШ. Екипата на Диего Симеоне го совлада отпишаниот ПСВ Ајндховен со 2:0 со головите на Кевин Гамеиро во 55 минута и на Антоан Гризман во 66 минута.
Арсенал – ПСЖ 2:2
https://www.youtube.com/watch?v=BlmxQ93AQDM
Селтик – Барселона 0:2
https://www.youtube.com/watch?v=xkwkPKIDPVg
Борусија Менхенгладбах – Манчестер сити 1:1
https://www.youtube.com/watch?v=O0VaiOtilAc
Атлетико Мадрид – ПСВ Ајндховен 2:0
https://www.youtube.com/watch?v=qqMTOXNPxus
Бешикташ – Бенфика 3:3
https://www.youtube.com/watch?v=cOBqElesipM
Ростов – Баерн Минхен 3:2
https://www.youtube.com/watch?v=5eOsQTXgKGs
Лига на шампиони
Резултати, 5. коло
Група А
Арсенал – ПСЖ 2:2
Лудогорец – Базел 0:0
Табела: Арсенал 11, ПСЖ 11, Лудогорец 2, Базел 2.
Група Б
Наполи – Динамо Киев 0:0
Бешикташ – Бенфика 3:3
Табела: Наполи 8, Бенфика 8, Бешикташ 7, Динамо Киев 2.
Група Ц
Селтик – Барселона 0:2
Борусија Менхенгладбах – Манчестер сити 1:1
Табела: Барселона 12, Манчестер сити 8, Борусија Менхенгладбах 5, Селтик 2.
Група Д
Атлетико Мадрид – ПСВ Ајндховен 2:0
Ростов – Баерн Минхен 3:2
Табела: Атлетико Мадрид 15, Баерн Минхен 9, Ростов 4, ПСВ Ајндховен 1.