Од амбасадата велат дека ова се стандардни пораки што се објавуваат насекаде во светот и нивна обврска е да обезбедат дека американските државјани се свесни дека ќе има избори и поради тоа може да има собири и масовни настани кои носат ризици од насилство
Американската амбасада преку соопштение на своите граѓани во Македонија дека на денот на предвремените парламентарни избори, можни се немири, протести и собири.
„На 11 декември во Македонија ќе се одржат парламентарни избори. Иако досегашните избори во Македонија биле мирни, можна е појава на немири поврзани со изборите. Амбасадата на САД им порачува на своите граѓани да бидат свесни за ваквите настани и да избегнуваат големи гужви, протести и собири. Амбасадата исто така ги советува своите жители да ги почитуваат информациите за безбедност дадени од локалните власти“, пишува во соопштението на амбасадата.
Амбасадата во изјава за порталот „Сакам да кажам“ вели дека ова соопштение е обична процедура која се спроведува секаде во светот.
„Амбасадата ја објави оваа безбедносна мерка за да им укаже на американските државјани кои живеат и привремено престојуваат овде дека ќе има избори на 11 декември. Ова се стандардни пораки што се објавуваат насекаде во светот и обврска на Амбасадата е да обезбеди дека американските државјани се свесни дека ќе има избори и поради тоа може да има собири и масовни настани кои носат ризици од насилство“, изјавиле за СДК од Амбасадата на САД.