Во 18 часот вечерва Управниот суд ќе одлучува за тужбите кои политичките партии ги поднесоа против одлуките на Државната изборна комисија. Како што информираат од Управен прво ќе се разгледуваат две жалби на СДСМ за поништување на решението на ДИК за избирачки места во Теарце. До Судот се стигнати вкупно 5 тужби, една од ВМРО-ДПМНЕ и 4 од СДСМ, за кои тие треба да одлучат најдоцна до утре. Според роковникот, нивните одлуки кои ќе бидат објавени на веб-страницата на ДИК, ќе го содржат и начинот на гласање на секој судија поединечно.
Тужбата дд ВМРО-ДПМНЕ се однесува на одлуката на ДИК кој што го прифати приговорот на БЕСА, со што го поништи гласањето на едно гласачко место во Гостивар.
4-те тужби кои до Управен ги поднесе СДСМ се однесуваат на гласањето на повеќе избирачки места во 6-та изборна единица, додека пак БЕСА се откажа од можноста да ги обжали одлуките на ДИК со кои беа одбиени 7 нивни проговори.
Одлуките кои во следните 48 часа ќе ги донесе Управен се конечни, а потоа Државната изборна комисија ќе треба да ги сумира резултатите од гласањето.
Според најавата, една од тужбите на СДСМ ќе се разгледува во 18 часот (онаа за одбиениот приговор од ДИК за избирачкото место 1978 во општина Тетово), а во 18,30 часот ќе се разгледува тужбата за одбиениот приговор за избирачкотоместо 2025 во општина Теарце.
За овие тужби избран е совет од следниве судии: Весна Јовановска, претседател, Бурим Сејдини, Анета Џигерова, Ѓоко Живковски и Драгослав Радичевски.