ВМРО-ДПМНЕ и ДУИ не се согласиле за правење влада бидејќи партијата на Груевски не сакала да го прифати условот за продолжување на работат на СЈО, рече вечерва лидерот на Демократската унија за интеграција, Али Ахмети, во интервју за тетовската телевизија Арт.
„Главниот проблем се јави бидејќи ние поставивме некои услови. Ние се залагаме сите партии да го прифатат СЈО, а ВМРО-ДПМНЕ тоа не го направи. Не можевме да брзаме со одлуката само затоа што некому му се брзаше. Не можевме да преземене незамислени чекори, се работи за иднината на земјата. Реков во некои медиуми дека Албанците нема да бидат разочарани. Имавме отворена внатрепартиска дебата и не можевме да отстапиме од петте барања кои ги имавме“, рече Ахмети одговарајќи на прашањето зошто пропаднаа преговорите со ВМРО-ДПМНЕ
Лидерот на ДУИ рече дека во неговата партија нема фракции и дека потпретседателите не отишле во СДСМ на своја рака.
„Ние не бегавме од ваквите средби. Јас знаев дека тие се отидени таму. Информациите дека во ДУИ има спротиставени ставови околу тоа со кого да коалицираме не се точни“, рече Ахмети.