Каталонскиот одбранбен играч во редовите на Барселона, Жерар Пике, по вчерашниот натпревар со Лас Палмас, даде поддршка за референдумот на Каталонија и истакна дека е подготвен да се повлече од шпанската репрезентација ако тоа е проблем.
Откако се појави на гласачкото место и откри дека гласал „За“ независност на Каталонија, навивачите веднаш го нападнаа и бараат од шпанскиот фудбалски сојуз да го исфрлат од репрезентацијата.
„Ако некој од Фудбалскиот сојуз на Шпанија смета дека јас ќе бидам проблем во националниот тим, тогаш подготвен сум да се повлечам. Во Шпанија има многу луѓе кои не се сложуваат со она што се случи во Каталонија“, изјави Пике, кој порача дека тој е горд Каталонец.
Според него, вчерашните случувања и насилството врз Каталонците по директива на Мадрид, уште повеќе ќе го наруши односот меѓу Шпанија и Каталонија.
„Не можев да верувам. Мислев дека ќе се обидат да го забранат гласањето, но мило ми е што целиот свет можеше да види за што се работи. Оваа одлука е една од најлошите во последните 45 години и само ќе го наруши односот меѓу Шпанија и Каталонија“, дополни дефанзивецот кој има 91 настап за шпанската репрезентација досега.
Референдум во Каталонија: Се изборивме да имаме независна држава