Генералниот директор на албанската полиција Арди Велиу предупреди дека „секој кој ќе се движи со оружје без дозвола ќе биде уапсен“. Според него, само во првите пет месеци од оваа година, полицијата запленила 500 парчиња на оружје од различен калибар, додека за поседување оружје без дозвола приведени се 400 лица.
– Во повеќето случаи, полицијата запленила старо оружје што беше одземено од воените магацини за време на познатите мартовски немири во 1997 година. Но, неодамна, според полициски извори, има зголемување на оружјето што е понов модел, пренесува „Ора њуз“.
Пред извесно време полицијата открила 18 бази за оружје и уапсила девет лица. Во оваа фабрика за модификација, по проверките, полицијата утврдила дека станува збор за софистицирано оружје, по што некои од нив биле испратени на вештачење за да се потврди дали се користени во криминални настани. Во меѓувреме, во врска со лицата кои сакаат да регистрираат ловечко или спортското оружје, крајниот рок е продолжен до 31 декември.
Пред неколку месеци во парламентарната комисија за безбедност мнозинството предложи амнестија за доброволно предавање на оружје, но овој Предлог- закон се очекува да биде усвоен од новиот законодавен дом, кој ќе се конституира на 9 септември.