ДУИ ќе ја преземе одговорноста за формирање нова влада, доколку СДСМ има некаков сомнеж дека не може да ја заврши таа работа, изјави Рафиз Алити од ДУИ, објави ТВ 21.
Според него, СДСМ е тој што треба да го води процесот, бидејќи ја имаат поддршката од околу 70 отсто од граѓаните.
„СДСМ е таа која ги побара потписите на албанските партии и сега таа е таа кој што треба да го води процесот. Доколку тие имаат сомнежи дека не можат да го направат тоа, нека го дадат мандатот на друга политички партија, во овој случај на албанска политички партија и секако дека тогаш ние би го воделе тој процес. Јас од СДСМ очекувам дека ќе се однесува достојно поради тоа што, со тоа што има 67 потписи, тоа значи дека зад СДСМ стојат 70 отсто од граѓаните“, вели Рафиз Алити.
Од Алијансата за Албанците немаат коментар за тоа дали ќе го поддржат Али Ахмети како мандатар за формирање на новата Влада.
Портпаролот на Беса, Орхан Муртезани, тврди дека луѓет осомничени во случаите од Специјалното обвинителство, немаат поддршка од неговата партија.
„Човекот за кој што станува збор, тешко дека може да го исполни првиот услов на Движење Беса за формирање на идната Влада, кој што вели дека не треба да има луѓе кои што се осомничени од Специјалното Јавно Обвинителство и меѓународниот суд“, изјави Орхан Муртезани, Движење Беса.