Лидерот на босанските Срби, Милорад Додик, ги отфрли санкциите на САД против него и ја повика Владата на Босна и Херцеговина да го прогласат за непожелна личност амбасадорот на САД во земјата.
Министерството за финансии на САД вчера ги објави санкциите против Додик за активно попречување на напорите за спроведување на Дејтонскиот договор од 1995 година со кој заврши војната во БиХ.
Санкциите подразбираат забрана на патување во САД и замрзнување на имотот на територијата на САД, како и во сите земји кои ќе им се придружат на овие санкции.
Од друга страна, Милорад Доди потенцира дека е „горд“ што бил ставен на црната листа.
Тој истакна дека санкциите само потврдиле дека тој не тргувал со интересите на Република Српска.
Додик рече дека амбасадорот на САД во Босна, Морин Кормак бил „непријател на Србите“ и дека е непожелен во Република Српска.