Извештајот на американското разузнавање за потеклото на новиот коронавирус не содржи конечни заклучоци, објави АФП, истакнувајќи дека документот нарачан од претседателот Џо Бајден не дава одговор на ова деликатно прашање, кое е причина за тензии меѓу Соединетите американски држави и Кина.
На крајот на мај, Бајден побара од американската разузнавачка служба „да ги удвои своите напори“, која во тоа време не можеше да каже дали коронавирусот, кој се појави во Вухан кон крајот на 2019 година, е од животинско потекло или потекнува од лабораторија во кинескиот град. Претседателот им наложи да добие одговорот на загатката во рок од 90 дена.
„Вашингтон пост“ објави дека претседателот на Соединетите држави го примил овој извештај од исклучителна тајност вчера, но и покрај истражувањата и анализите, американските разузнавачи не успеале да се обединат околу една хипотеза.
Од своја страна, „Волстрит Журнал“ го објаснува недостатокот на конечен одговор со фактот дека Кина не обезбедила доволно информации.
Кина, која жестоко ја отфрла хипотезата за лабораториско потекло на вирусот, ги обвинува САД дека шират „теории на заговор“.