„Амстердам арена“ останува во минатото, Ајакс во иднина ќе игра на „Јохан Кројф арена“. Клубот се огласи со соопштение за менување на името на стадионот во чест на својата легенда и легендата на холандскиот фудбал.

Кројф, кој почина лани во март, трипати ја понесуваше наградата „Златна топка“ наменета за најдобриот светски фудбалер. По завршување на играчката кариера почна тренерска во која, исто така, беше одличен. Особено на кормилото на Барселона со која го освои Купот на европски шампиони (КЕШ), сега Лига на шампиони.

Идентичен гест како ајаксовиот најавија и од Барселона чиј стадионот во тренинг кампот ќе биде именуван по холандската фудбалска величина.