НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

АНАЛИЗА: Без решение за кризата – ЕУ ќе го возврати ударот

0
By Нова ТВ on June 6, 2016 ЕКОНОМИЈА
СПОДЕЛИ
Facebook Twitter LinkedIn Email

Оној момент кога Меѓународната заедница ќе ги исцрпи сите правни механизми за решение од политичката криза, не е исклучено дека ќе посегне и по радикални, како онаа за изолација преку “црна листа“ на граѓани, коментираат аналитичарите во неделната економска анализа на Порталб.

Според нив, меѓнародниот фактор нема да остане “нем“ набљудувач на состојбата и доколку до есен не се дојде до излезно решение, не е исклучена “црна листа“ но и сериозно назадавување во евроатланските аспирации.

Во јавноста веќе се појави информација дека Меѓународната заедница, во координација со домашни институции крои листа од 60 лица на кои ќе им биде замрзнат имотот дома и во странство, а ќе добијат и забрана за излез од земјава.

Санкции, изолација, одземање на препорака за преговори

Најпрво треба сите политички средства да бидат исцрпени а сеуште се преговара со посредство на Меѓународната заедница, но, сега не е јасно дали меѓународната преговара со ВМРО-ДМННЕ или СДСМ, а од она што се гледа веќе, е дека се преговара со Груевски и неговите.

Се додека се преговара, протестите ќе бидат мирни, сметаат аналитичарите. Но, по исцрпување на фазата на правна разврска, не е исклучено меѓународниот фактор да посегне по “црното“ сценарио, изолација и санкции со кои би биле засегнати не само поедници, туку и целата земја.

„Меѓународната заедница е подготвена да спроевдува изолација и да прави “црни листи“ на неподобни граѓани среде Европа само  доколу се сруши целиот правен систем,  како што е сега. Но изолацијата би била политилчко-економска –финансика и би можела да трае 2-3 години со многу лош резултат по сегашната владејачка гарнитура“, вели за Порталб, аналитичарот и колумнист Даме Чкатроски.

Во последните три месеци во домашната јавност веќе струи сценариото дека меѓунардниот фактор нема да остане нем набљудувач на внатрешно-политичката криза и дека во отстуство на правна разврска и непочитување на договорот од Пржино, ќе посегне по радикални мерки.

Овие стравувања се засилија особено по писмото од шефот на холандската дипломатија, но и од пораката на Европската комисија, која ги повика четворицата партиски лидери да се вратат на преговарачка маса и да ги решат сите отворени прашања за да може да се одржат кредибилни избори.

„Политичките лидери мора во целост да го почитуваат политичкиот договор од Пржино и основните принципи на Договорот, како што се владеењето на правото, одговорност, инклузивност и кредибилни избори. Оваа рамка останува клучна за решавање на политичката криза“,  изјави неодамна директорот на Директоратот за проширување на ЕК, Кристијан Даниелсон.

Холандскиот министер пак,  Берт Кундерс побара од лидерите итно да најдат излез од политичката криза во интерес на стабилноста на државата, во спротивно Македонија е под закана на санкции.

„Договорот од Пржино што го потпишаа сите лидери мора да се почитува и тоа е силна позиција на ЕУ. Ако пропадне Пржинскиот договор, Македонија ќе се соочи со сериозни последици и санкции. Фер, демократски и кредибилни и фер избори се круцијалниот дел од Пржинскиот договор кој не смее да пропадне за демократската иднина на вашата земја и тие мора да се испорачаат без понатамошни одлагања“, пишува во писмото.

Евентуалната изолација на поедници ќе се прелее врз целата економија, последиците ќе ги чуствуваат сите, потенцира за Порталб, аналитичарот Висар Адеми.

„Нерамноправната дистрибуција на парите и на ресурсите е состојба во Македонија. Само 1 процент од населението во своите раце располагаат со 99 отсто од капиталот, ресурсите, националното богатство и не би ме чудело да од тој еден отсто се најдат 100% на “црната листа“. Сметам дека една ваква изолација на личности, кои менаџираат и се поврзани со компании ќе се прелее и почуствува во целата економија. Само да посочам дека 99% од малите компании зависат од тендери и договорени обврски со државата“, вели Адеми.

Сличен став има и Чкатроски.

„Доколку Меѓународната заедница одлучи да напрви потег за излолација, преку црна листа на поедници, како прво тоа значи дека тие нема да бидат обвинувани и судени во странство туку во Македонија по специјални судови.  Црна листа и изолација ќе значи на подолг рок дека нити една земја може да им даде азил или подршка“, вели Чкатроски и упатува на посериозни последици од ваквата разврска.

„Санкциите ќе дојдат заедно со одземање на препораката за членство во ЕУ.  Од тој момент доколку има 50 на на листа ,а тоа се очекува доколку 1 септември го пречекаме без Технократско-Експертска непартиска влада Македонија ќе биде една изолирана земја посебно во финансискиот и економскиот сектор. После ваква црна листа ќе еродираме,  по што веројатно расплетот на кризата почнува на есен со одземање на препорака и црна листа“.

По ваквите сценарија, дел од бизнисмените веќе ги испратија првите сигнали на сериозна загриженост.

Стопанството веќе се соочува со сериозни ликвидносни проблеми, а најавите за можна изолација на Македонија ќе бидат погубни за економијата – оценија дел од бизнисмените.

„Ако се оствари најцрното сценарио, евентуална изолација, политичка а со тоа и финансиска на земјава, тоа ќе биде погубно за економијата. Тогаш и песимистичкото сценарио на Народната банка за раст од 1,6% ќе ни се чини дека е оптимистичко. Имено, ние веќе ги добивме првите сигнали, односно изјави од амбасадорите дека е можно меѓународниот фактор да преземе потези кои ќе упатуваат на “изолација“. Овие пораки мора да се сфатат со сериозност“, коментираат дел од бизнисмените за Порталб.

Ризикот од можна политичка и економска изолација на земјата не е пресметан во новите ревидирани прогнози за економски раст што ги објави Народната Банка. Имено, НБМ соопшти дека според основното сценарио економскиот раст ќе биде 3,5 отсто, но според песимистичкото, растот на БДП ќе изнесува 1,6%.

Груевски ЕУ Македонија НБРМ политичка криза
Share. Facebook Twitter LinkedIn Email
ТИКЕР

Железничкиот сообраќај во Црна Гора во прекин поради штрајк на диспечерите

August 23, 2025

Третина од Германците се плашат дека ќе ја изгубат работата поради вештачката интелигенција

August 23, 2025

Данска ќе дозволи користење вештачката интелигенција на матурските испити

August 22, 2025

Британски научници создадоа сензор од дијамант за откривање метастази

August 22, 2025

Во Албанија откриена прва статуа на Исус Христос во стилот на бразилската скулптура

August 21, 2025
ФОКУС

Нетанјаху: Израел ќе ја освои Газа без разлика дали Хамас ќе ги ослободи заложниците

ВЕСТИ August 21, 2025

Израелскиот премиер Бенјамин Нетанјаху изјави дека Израел ќе продолжи со плановите за воена акција и…

Пентагон: Сценарија за Украина ќе бидат презентирани на европските советници за национална безбедност

August 21, 2025

Армијата го слави 33-от роденден со свеченост во касарната во Штип

August 18, 2025

Најмалку 21 лице загина чекајќи хуманитарна помош во Газа

August 17, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.