Со предност од девет проценти пред владејачката Коалиција на радикалната левица (СИРИЗА), грчката опозициска конзервативна партија Нова демократија и натаму е најпопуларна политичка сила во Грција, покажуава последното истражување на јавното мислење во земјата, објави МИА.

Според анкетата на агенцијата „Пулс“, изработена за грчката телевизија „Скај“Нова демократија ja поддржуваат 28,5 отсто од граѓаните, а СИРИЗА  19,5 проценти.

Независни Грци не би имале цензус

Доколку сега се одржат избори во грчкиот Парламент ќе влезат пeт партии, меѓу кои не е сегашниот коалициски партнер на СИРИЗА во Владата, партијата Независни Грци, која не би го добила потребниот број гласови за минување на изборниот цензус.

Изборниот праг би го минале уште и левоцентристичкото Движење за промена со поддршка од 8 отсто, екстремно десничарската Златна зора со 7.5 проценти и Комунистичка партија на Грција за која би гласале 5.5 отсто од анкетираните.

Засега далеку под три процентниот изборен праг се десничарската Независни Грци и Сојузот на центристите со по 1.5 проценти поддршка.

Половина од Грците сметаат дека не е време за избори

На прашањето, која личност е најсоодветна за премиер, 31 отсто одговориле дека тоа е лидерот на Нова демократија, Кирјакос Мицотакис, 22 проценти се определиеле за Алексис Ципрас, додека 39 отсто од анкетираните сметаат дека „не е ниту еден од двајцата“.

Половина од испитаниците (50 отсто), сметаат дека сега не е време за избори. На прашањето кога е најдобро, за економијата и општо за земјата, да се распишат избори, 37 проценти сметаа веднаш, 36 отсто на крајот од мандатот на владата, а 14 проценти – „подоцна“.

На прашањето дали работите во Грција во последните шест месеци одат во правилна или погрешна насока, 63 отсто одговориле дека одат во погрешна, а 25 проценти во позитивна насока.

Истражувањето е спроведено од 11 до 13 март и со него биле опфатени 1.304 лица од цела Грција