Новак Ѓоковиќ и Александар Зверев вечерва (19 ч.) во „О2 арена“ во пресметка за титулата на завршниот тениски Мастерс во сезоната. Српскиот тенисер и моментно водечки на АТП ранг листата во полуфиналето го елиминира Кевин Андерсон со 6:2, 6:2, додека Германецот осигура финале по триумфот над Роџер Федерер со 7:5, 7:6.
„Новак е најдобриот тенисер во светот во моментов. Многу е тешко да победите против него бидејќи тој, речиси, не губи во последните шест месеци. Игра неверојатно и треба да сте на највисоко ниво за да имате некаква шанса, рече Зверев пред натпреварот.
Ѓоковиќ до финалето во Лондон стигна со максимален ефект, откако ги доби сите три меча и во групната фаза. Со тоа испрати јаснапорака до неговите фанови и светската јавност како потврда на фаворитската улога што ја ужива пред мечот во кој ќе атакува на шести трофеј на финалните Мастерси по освоените во 2008 година, во 2012 година, во 2013 година, во 2014 година и во 2015 година. Доколку успее да слави ќе се израмни со Федерер.
„Очекувам сосема поинаков натпревар од оној кој го имавме пред неколку дена. Ова, сепак, ќе биде финале и може да имам некаква психолошка предност, но само пред дуелот. Саша е лидер на новата генерација. Тој е млад и веќе докажан играч. Поседува одлични квалитети и оваа недела докажа зошто е меѓу елитата, рече Ѓоковиќ пред средбата.
Ѓоковиќ и Зверев беа ривали во групата „Густаво Кернтен“ на годинашното издание на лондонскиот Мастерс. Србинот славеше со убедливи 6:4, 6:1 во третиот меѓусебен дуел. Триумф има и Зверев во финалето на Мастерс во Рим во 2017 година.
Лидерот на АТП листата е во одлична форма по повреда и по враќањето на терените освои четири титули – Вимблдон, Синсинати, Шангај и Ју-Ес Опен или на мегдан на Зверев ќе излезе со 26 победи во последните 27 натпревари.
Александар Зверев, пак, е прв Германец кој ќе игра финале на завршниот турнир по пауза од 22 години. Последен во таква улога беше Борис Бекер во 1996 година пришто загуби од Пит Сампрас. Ова за него е само второ учество на турнирот на најдобрите осум тенисери во сезоната. Дебитира лани кога не успеа да ја мине групата.