Авиокомпаниите се борат со порастот на цената на нафтата кој се забрза по руската инвазија на Украина, изјави шефот на Меѓународната асоцијација за воздушен транспорт.
„Порастот ја влоши перспективата на авио-бизнисот што веќе се очекуваше да вклучи загуба на целата индустрија во 2022 година, иако некои авиокомпании ќе остварат профит додека светот нерамномерно закрепнува од кризата предизвикана од пандемијата“, рече тој.
Авиокомпаниите релативно брзо ќе го пренесат растот на цената на нафтата на патниците преку повисоки цени, но скокот на трошоците за енергија ќе ја влоши севкупната перспектива на индустријата во 2022 година
ИАТА соопшти дека глобалниот патнички сообраќај се опорави во февруари бидејќи влијанието на варијантата Омикрон се повлече надвор од Азија. Војната во Украина допрва треба да се внесе во месечните податоци.
Илјадници туристи забележаа прекини или откажани летови бидејќи авиокомпаниите и аеродромите немаат доволно персонал за да го задоволат закрепнувањето на побарувачката, откако пандемиските ограничувања се олеснуваат во Европа.