Започна гласањето на предвремените избори во Австрија, кои се одржуваат по објавување на видео – скандалот поради кој пропадна коалициската влада.
Анкетите покажуваат дека конзервативната Народна партија на поранешниот канцелар Себастијан Курц е на добар пат да освои најмногу гласови – но ќе му треба коалициски партнер.
Во трката се и социјалдемократите, екстремно десничарската партија Слобода, Зелените и либералите.
Разговорите за коалицијата се очекува да бидат тешки и може да траат со недели.
За што беа видео снимките?
На снимката која беше објавена во јавноста, се гледаше австрискиот потпретседател Хајнц-Кристијан Штрахе како ветуваше владини договори на жена која се претставува како внука на руски олигарх. На снимката, направена на 24 јули 2017 година на шпанскиот остров Ибица, се појавуваат Штрахе, лидер на екстремно десничарската Слободарска партија на Австрија (ФПО) и неговиот партискиот потпретседател Јохан Гуденус, како разговараат со наводната внука на рускиот олигарх.
Новиот лидер на десничарската Слободарска партија се надева дека Курц може да ја обнови коалицијата со нив. Но дел од аналитичарите прогнозираат дека поради различните ставови за антимигранстаката политика, Курц би можел да се одлучи за трилатерален пакт со Зелените и Либералната партија.
Голема коалиција со социјалдемократите се смета за мала веројатност.
Кој е Себастијан Курц?
Син на секретар и учител, стана активен во конзервативната Народна партија на 16-годишна возраст. Како студент по право во Виена беше избран за претседател на младинското крило на Народната партија. Ги напушти студиите во 2011 година за да стане помлад министер за внатрешни работи, за во 2013 да стане министер за надворешни работи на 27-годишна возраст.
Две години подоцна, тој претстави план од 50 точки за подобрување на интеграцијата на мигрантите, меѓуотоа беше полн со фалби за популистичкиот премиер на Унгарија, Виктор Орбан – потсетува ББС.
Избран е за претседател на партијата во мај 2017 година.