Одложување на отплата на кредитите до шест месеци, односно најдоцна до 30 септември, е одлуката на банките членки на Македонската банкарска асоцијација (МБА) донесена на 26 март што ќе ја понудат на граѓаните. Дел од банките, како што наведуваат од МБА, веќе започнаа со објава за промена во условите за плаќање на кредитите што произлезе од настанатите околности од пандемијата на коронавирус.

Од МБА истакнуваат дека мерките што вклучуваат одложување на отплатите на кредитите се наменети за оние физички лица и компании кои не се во неможност во овој период да продолжат со подмирување на своите обврски кон банките и штедилниците и други доверители поради престанок со работа на компаниите, губење на работни места, намалување плати, итн.

„Се разбира, сите оние кои се во можност да продолжат да отплаќаат, да го сторат тоа. На тој начин ќе покажат солидарност со сите оние на кои навистина им е потребна помош во текот на корона-кризата“, нагласуваат од МБА.