Британски „Гардијан“ со објава за оние со најдлабок џеб. „Подгответе се. Во четврток почнува продажбата на најскапите влезници за некој спортски настан во светот“. Огласот се однесува на тенискиот гренслем Вимблдон, поточно, за местата на централниот терен или најконкретно за боксовите што ја опкружуваат кралската ложа. Влезници се продаваат во блок за пет години во конкретниот случај од 2021 година до 2025 година, на располагање ги има 2.520 што се очекува да пламнат уште истиот ден иако цената изнесува 100.000 фунти или 115.000 евра.
„Тоа се најбараните влезници за некој спортски настан во светот. Со нив не добивате само прилика да го гледате најдобриот тенис во светот туку и да се дружите со елитата и на тој начин да создадете важни деловни врски“, објаснува шефицата на маркетинг во фирмата што е задолжена за продажба на билетите.
Влезници важат за сите натпревари и освен одличниот поглед и шанса за познанство на високо ниво, но и самопромоција, на посетителот му нудат посебен ВИП влез, минување низ засебни простории со места за состаноци и оброци приготвени од најдобрите готвачи на светот.
Почетокот на продажбата е во четврток во 11 часот по средноевропско време и притоа се очекува заработувачка за „All England Club“ од преку 252 милиони фунти. Правото за купување на најскапите влезници по традиција се наследува од колено на колено, но откако ќе погледнат неколку мечеви потоа или ги разделуваат билетите во хуманитарни цели или ги препродаваат и на тој начин заработуваат и до трипати повеќе од вложената сума, тврдат познавачи на тамошните прилики.
Вимблдон во 2019 година ќе почне на први јули и ќе трае до 14 јули. Бранители на титулите се Новак Ѓоковиќ во машка конкуренција и Анџелика Кербер во женска.