Мерките што беа донесени од страна на Владата за надминување на енергетската криза дадоа позитивен ефект и ја поминавме зимата, изјави вицепремиерот за економски прашања Фатмир Битиќи во гостувањето на ТВ Стар.
Имавме на почетокот две различни гледишта. Од една страна на власта, која кажа дека ситуацијата е сериозна и мора сите институции и сите чинители разумно и соодветно да се однесуваат и повикавме на штедење електрична енергија, а воедно и ЕСМ да ги стави на располагање сите капацитети во функција. Од друга страна имавме ставови од опозицијата дека ќе има апокалипса, рестрикции и 200 отсто покачување на цената на електричната енергија, истакна Битиќи.
Тој потсети дека власта издвоила средства за субвенционирање на електричната енергија на регулираниот пазар и не се почувствувал ценовен шок во сметките.
Воведовме и нова методологија и 97% од населението се во првиот и вториот блок, односно тарифа на пресметување, нагласи Битиќи.