„Блумберг“: Мајк Пенс е во самоизолација, неговиот портпарол е позитивен на ковид-19

Американскиот потпретседател, Мајк Пенс се наоѓа во самоизолација, надвор од Белата куќа, по потврдата дека неговиот портпарол е заразен со коронавирусот, пренесува „Блумберг“, повикувајќи се на тројца неименувани извори.

Пенс во саботата не присуствуваше на состанокот со претседателот Доналд Трамп и високо рангираните воени претставници. Еден од изворите на Блумберг наведе дека вчерашниот резултат на Пенс на тестирањето за присуство на коронаворус бил негативен. Тој додава дека и Трамп и Пенс редовно се тестираат.

Белата куќа не одговори на барањето за коментар, пренесуваат британските медиуми, по двата пријавени случаја на ковид-19 пред неколку дена што предизвикаа страв дека и претседателот и потпретседателот се заразени.