Во близина на италијанскиот пристанишен град Бари се запленети околу 900 килограми марихуана и хашиш што биле прошверцувани од Албанија, пренесува ТВ „Ора њуз“, повикувајќи се на италијанските власти. Под наслов „Карантинот не го спречува шверцот на дрога“, телевизијата додава дека се запленети 646 килограми марихуана и 250 килограми хашиш. Во акција од море и воздух што ја спровеле „Гуарда ди финанца“ и италијанската армија во ноќта меѓу понеделникот и вторникот, се упасени и двајца италијански државјани.
Запленетата дрога била натоварена во два моторни чамци кои биле запрени на брегот кај Менопол. Пратката била пакувана во пакети со тежина од 2,5 до 10 килограми, со поставеи симболи во различна боја зависно од видот на дрогата, местото на производство и подрачјето во Италија каде требало да заврши. Според италијанските власти запленетата дрога на пазарот би достигнала вредност од околу 10 милиони евра.
Дел од медиумите наведуваат дека од неодамна е реактивирана и недозволената трговија со луѓе од албанскиот кон италијанскиот брег. Деновиве пресретнат е чамец во кој илегално се превезувале 33 имигранти, главно од земјите на Средниот Исток.