Хрватска ремизира на гостувањето против Србија во квалификациите за ракометното ЕП 2020. Во тоа успеа во последниот напад за конечни 25:25 во „Штарк арена“ во Белград, но и да остане осамена на врвот на табелата во групата 2.
„Како може тие да имаат поголема борбеност од нас? – Како ќе се вратиме дома и ќе ги погледнеме луѓето во очи? – Кого јас да погледнам во очи? – Се гине за секоја топка. За секоја“, викаше Лино Червар на тајм-аутот во 46. минута при водство на Србија со 20:19.
„Коцкестите“ беа на праг на пораз во Белград од новата и подмладена селекција на Ненад Перуничиќ иако кај источниот сосед отпатува како голем фаворит. Но, наидоа на тврд и реорганизиран противник кој рамноправно му парираше на друштвото на Домагој Дувњак. Придонес за освоениот бод во финишот имаше и голманот Шего кој спречи домашната селекција да се одлепи на плус три во завршницата и ги остави игра до последен момент своите колеги да се борат за избегнување на пораз.
Хрватските медиуми во своите извештаи за мечот во Белград нотираат свирење на гостинската химна и скандирање „Вуковар е Србија“.
Големите балкански ривали во недела од 20.30 часот ги очекува реванш во салата „Крешимир Ќосиќ“ во Задар.