Српскиот министер за надворешни работи, Ивица Дачиќ, за денешното издание на „Вечерњe новости” изјави дека косовскиот министер за надворешни работи, Беџет Пацоли, неодамна испратил својот човек во Конго со 500.000 долари за „убедување” на тамошната нова влада да го признае Косово.
На почетокот на мај, Пацоли објави дека Конго „наскоро ќе го признае Косово”, но во Белград стигнала нота од амбасадата на таа држава во која таквите наводи се демантирани, потсетува весникот.
Дополнителна потврда дека Конго нема да ја промени својата позиција во врска со ова прашање, добил Дачиќ минатиот викенд од новиот конгоански претседател, Феликс Чизекеди.
Според шефот на српската дипломатија, кој во последните десет дена посети седум земји на африканскиот континент, Конго не е единствената дестинација каде Пацоли ги испратил своите „пратеници”.