Карим Бензема (29) го продолжи договорот со Реал Мадрид за две сезони и на „Сантијаго Бернабеу“ останува до 2021 година. Но, она за што пишуваат шпанските медиуми е „лудата“ сума во откупната клаузула на францускиот репрезентативец во случај на интерес за неговите услуги. Изнесува една милијарда евра додека по сезона ќе заработува 7,5 милиони евра.
Бензема пристигна во Реал Мадрид во 2009 година од екипата на Олимпик Лион. Неговиот престој во Мадрид, според актуелниот договор, истекува во 2019 година, но двете страни најдоа заеднички јазик за надградба на соработката. Тој е четвртиот првотимец во ростерот на Зинедин Зидан што стави параф на нов договор со „кралскиот“ клуб во изминатите седум дена по Марсело, Дани Карвахал и Иско.
Напаѓачот на „триколорите“ освои 14 трофеи како член на Реал Мадрид меѓу кои две во шпанската Примера и три во УЕФА Лигата на шампиони.