Воена парада на која ќе бидат истакнати различни ракети од арсеналот на државата, планира Северна Кореја на 8.февруари годинава.

Парадата ќе се случува само еден ден пред почетокот на Зимските Олимписки игри кои ќе се одржат во Јужна Кореја, а на кои Пјонгјанг и Сеул ќе настапат под едно исто знаме, како знак на подобрување на замрзнатите односи меѓу двете земји.

Според изворот на Си-Ен-Ен, кој информирал за подготовките за парадата, целта на Ким Јонг Ун била да ги изложи своите ракети и да ги „исплаши“ Американците со тоа што ќе им го покаже.

Северна Кореја, според наводите, планира да ги покаже и најновите ракети кои ги тестираше во ноември, по што влезе во целосна изолација од светот поради непочитувањето на одлуките на Обединетите Нации.

Оваа вест исто така доаѓа по неодамнешниот говор на Трамп, кој го критикуваше Ким дека преку својот режим ги кршел човековите права како и тоа дека бил во лов на нуклеарки кои претставуваат закана за безбедноста во светот.