Дибала пресече: Останувам во Јувентус до 2021 година

Пауло Дибала останува во Јувентус до 2021 година. Аргентинецот ги отфрли понудите од Барселона, Реал Мадрид и неколку клубови од англиската премиерлига меѓу кои и Манчестер јунајтед и Челзи и ја продолжи соработката со „старата дама“. За искажаната лојалност, иако е само година ипол дел од екипата, управата на италијанскиот шампион го награди со долгорочен договор и плата што го сместува веднаш зад сонародникот Гонзало Игуаин на „Јуве арена“.

Оваа сезона забележа 11 настапи за „бјанконерите“ во сите натпреварувања што ги круниса со четири гола. Пред Јувентус, настапуваше за Палермо и аргентински Институто, за „гаучосите“ досега одигра шест средби.