Жоао Жилхао, директор на тенискиот турнир во Ешторил, со жалење констатира дека Новак Ѓоковиќ, Рафаел Надал и Роџер Федерер нема да настапат на настанот во Португалија од серијата 250 што ќе се одржи од 27 април до петти мај. Ситуација, сепак, колку-толку ја амортизира со најавата дека учество во Ешторил го потврдија Стефанос Циципас и Кевин Андерсон кои се меѓу осумте најдобри на ранг листата.
„Турнирот ќе биде одличен и на високо ниво меѓутоа немаме пари за привлекување на Новак Ѓоковиќ, Рафаел Надал и Роџер Федерер“, истакна Жилхао и потсети дека Федерер учествуваше на турнирот во 2010 година, но Швајцарецот оваа година ќе паузира до Мастерсот во Мадрид по што ќе следува настап на Ролан Гарос.
Жилхао откри дека му требале шест месеци за наговарање на Циципас чија цена, како што речем постојано расте. Грчкиот тенисер бележи нагорен тренд и на играчки и на резултатски план и според досега прикажаното се очекува да биде освежување на АТП турот во 2019 година, па и учесник на завршниот Мастерс во сезоната.