Комисијата за жалби на УЕФА денеска одлучи да ја прекине постапката против Реал Мадрид, Барселона и Јувентус, три од 12-те екипи основачи на Супер лигата, на неодредено време.
Двете шпански екипи и италијанскиот клуб не се откажаа од проектот за ново натпреварување од затворен тип, принудувајќи ја Европската куќа на фудбалот на 25 мај да поведе дисциплинска постапка поради потенцијално кршење на правилникот за натпреварувања на УЕФА.
Преостанатите девет клубови, кои се повлекоа од проектот Супер лига, се спогодија со УЕФА во замена за поблаги казни.