Американскиот амбасадор Џес Бејли по завршувањето на преговорите помеѓу четворицата претставници на политичките партии ВМРО-ДПМНЕ, СДСМ, ДУИ и ДПА рече дека имало извесен напредок по денешната сесија преговори која заврши сега, а започна претпладне во 11 часот.
Токму затоа, амбасадорите на ЕУ и САД велат дека оставаат простор партиите во текот на викендот да размислат по однос на опциите на маса и веќе од следната недела преговорите да продолжат.
Амбасадорот Бејли во име на САД и ЕУ рече дека е оптимист дека кај партиите има политичка волја за решавање на отворените прашања, со цел Македонија да продолжи напред.
Сепак тој не одговори на новинарските прашања официјално да соопшти кои се прашањата заради кои договор не беше постигнат денеска
Партиските претставници Радмила Шекеринска од СДСМ, Никола Тодоров од ВМРО-ДПМНЕ, Артан Груби од ДУИ и Имер Алиу од ДПА Пржино го напуштија без никаков коментар.