Полицијата во Њујорк опколила маж со пиштол кој се појавил пред зградата на Обединетите Нации (ОН) на Менхетен. На снимката од надзорните камери се гледа како маж, утрово по локално време, шета пред зградата на ОН, а по одредено време се гледа како и вооружена полиција како пристигнува на местото на настанот, пишува американски „Фокс5“.
Набрзо пристигнале неколку амбулантни возила. Полицијата ги замоли граѓаните да ја избегнуваат областа и го затвори сообраќајот пред комплексот згради на ОН. Полицаец за „Си-Ен-Ен“ изјави дека надлежните служби разговарале со маж пред зградата на ОН. Тој додаде дека човекот изгледа како да зборува сам со себе.
Ја затворивме зградата поради полициската акција што се одвива пред нашите врати. Засега сите се во зградата, комплексот е заклучен, изјави Стефан Дујарик, портпарол на Обединетите нации за „Си-Ен-Ен“.
ОН испратија внатрешна порака до персоналот барајќи од остане на безбедно.
Безбедносната служба наведува дека во тек е полициска акција на 1-та авенија. Ги молиме сите вработени и делегати да останат на безбедно. Безбедносната служба ја следи ситуацијата и соодветно ќе бидете информирани, се вели во пораката.
Седиштето на ОН во Њујорк е под блокада на полицијата, јавуваат странските медиуми.