Published: Saturday, September 22, 2018 17:27
Македонските фудбалски репрезентативци Александар Трајковски и Илија Несторовски имаа значаен придонес во најновиот триумф на Палермо во Серија Б. Тимот од Сицилија попладнево во рамки на четвртото коло ја победи Перуџа со 4:1.
Трајковски најпрво му асистира на Белуши во 14. минута, а потоа и самиот се впиша во листата на стрелци во 58. минута што е негов втор погодок во сезоната.
https://www.youtube.com/watch?v=1WHvfeGokgA
Својот првенец го забележа Илија Несторовски кој во листата на стрелците се запиша во 18.минута, а 50 минути подоцна (68.минута) од пенал го постигна својот втор гол на натпреварот.
Со новите три бода, екипата на Палермо се искачи на третото место на табелата со две победи и два нерешени исхода.