Вчера во 50 држави во САД демонстрантите изглегоа на улиците во знак на протест на политиките на администрацијата на Трамп и Проектот 2025, контраверзниот список на желби на конзерватиците.
Протестите беа организирани од страна на движењето 50501 што значи 50 држави 50 протести 1 ден. Станува збор за граѓанска иницијатива организирана преку социјалните мрежи со хаштагот #buildtheresistance и #50501, повикувајќи ги Американците да “се борат против фашизмот.”
View this post on Instagram
Протестите вчера се одржаа во главните градови. Демонстрантите држеа транспаренти со пораки „Молчењето е насилство“, „Брани ја демократијата“, „Импичмент на Трамп“ и „Смрт на фашизмот“.
Протестите исто така беа насочени кон имиграционите политики на Трамп, носејќи транспаренти со натписи „Нема човек кој е незаконски,“ бидејќи администрацијата презема без преседан мерки за да ги отстрани што е можно повеќе недокументирани мигранти од САД.
Граѓаните протестираа и против акциите насочени против ЛГБТК+ луѓето, на истиот ден кога Трамп потпиша извршна наредба која им забранува на трансродните атлети да учествуваат во женски спортови. Минатата недела, тој потпиша наредба која се обидува да ги ограничи услугите за утврдување на пол за лица под 19 години.
Насобраните повикаа и на спасување на УСАИД, која ја надгледува странската помош, помошта при катастрофи и програмите за меѓународен развој.
Многу демонстранти особено се насочија против Маск, истакнувајќи ги неговите напори за распаѓање на владините агенции и за добивање пристап до владините податоци. На неколку протести се гледаа транспаренти со пораката „Никој не гласаше за Илон Маск.“
Пред денот на акцијата, Instagram профилот кој тврди дека е официјален профил на движењето 50501 сподели флаери за планираните протести со фрази како „Одбиј го фашизмот“ и „Ние, народот, го одбиваме Проектот 2025.“
View this post on Instagram
„Декларацијата за еднаква слобода,“ објавена на Instagram профилот, тврди дека реториката на Проектот 2025 „има намера да ја раздели, изолира и одстрани нашето општество, како и да ги разори темелните слободи на нашата земја преку напад на нашите институции.“