Директорот на државната ЕЛЕМ обвини дека, лидерот на ВМРО – ДПМНЕ, Христијан Мицкоски додека бил директор на оваа институција потпишувал во четири очи договори за ископ на јаловина во РЕК Битола.
Според директорот на АД ЕЛЕМ Драган Минвски, во непосредна спогодба Мицкоски потпишал два договори со фирмите „Пелистер“ и „Марковски“, во вредност од над 10 милиони евра. Токму овие договори биле предмет на внатрешна ревизија. Реакцијата на ЕЛЕМ следува откако опозицијата обвини дека битолската фирма „Пелистер“ е блиска до СДСМ и добила тенедер поради променети услови во спецификацијата.
-Споредбено по гига џул „Пелистер“ во моментов копа по 87,8 денари за гига џул додека во времето на Мицковски, „Пелистер“ копал по 96 денари за гига џул а „Марковски“ по 90 денари за гига џул. Ова е одговорот на нивните прозивки за цента по која сега се врши ископ во РЕК Битола. Еве какви договори во непосредна спогодба склучил лидерот на ВМРО – ДПМНЕ и партијата која сега го прозива АД ЕЛЕМ, вели Миновски.
ЕЛЕМ нема да го поништи тендерот за ископ на јаглен зашто повеќе од седум компании ги исполнувале условите. Бил додаден уште еден услов, за да се овозможи поголема конкурентност, одговара Миновски на прозивките на ВМРО ДПМНЕ кои обвинија дека Владата на криминален и нетранспарентен начин, фаворизира компанија блиска до врвот на СДСМ.
-Самата комисија за жалби по јавни набавки, ја одби како неоснована жалбата на еден економски оператор, тврдејќи дека и со такви услови има конкурентност. Ние за да овозможиме поголема конкурентност, додаваме уште еден услов кој може да го исполнат повеќе компании, изјави Миновски.
– Мицкоски се пофали дека оставил 25 милиони евра на сметката на АД ЕЛЕМ без никакви долгови кон доверители и вработените. Тоа што е точно е дека остави 17,8 милиони евра депозити во банките и 7,3 милиони евра расположливи средства… За разлика од него, ние го исплативме К-15 за 2017 кој Мицкоски не го исплати, и исплатен е и петпроцентниот додаток кој Мицкоски, исто така, не го исплати за целиот период наназад, исплатени се сите ремонтни активности и поправки, и во овој момент на сметката на АД ЕЛЕМ има 25 милиони евра депозити, и уште 20 милиони евра расположливи средства, или вкупно 45 милиони евра, значи двапати повеќе од тоа што остави Мицкоски, рече генералниот директор на АД ЕЛЕМ на пресот – реакција на обвинувањата на опозициската партија.
Мицкоски преку Фејсбук побара извунување за обвинувањата, а во спротивно најави тужба.