Европскиот парламент денеска оцени дека преговорите со Лондон за излез на Велика Британија од ЕУ не довеле до доволен напредок околу клучните прашање за Брегзит.
Европратениците во Стразбур, во резолуцијата усвоена со огромно мнозинство ги повикаа земјите членки на Унијата да ја одложат проценката дали е остварен доволен напредок за да се премине во втората фаза од преговорите, што би требало да се случи на претстојниот самит на 19 и 20 октомври во Брисел.
Во резолуцијата се истакнува дека „се уште не е направен доволен напредок“ по прашањето на граѓанските права, односите со Ирска и финансиските обврски за да може во преговорите да се прејде на прашањата за идните трговски и безбедносни односи, како што бара Британија.
Следната рунда преговори за Брегзит е за закажана за следната недела и европратениците истакнуваат дека освен ако нема некој голем напредок, европските лидери на самитот само треба да го одложат проширувањето на преговорите на нови теми.
Посматрачите оценуваат дека е малку веројатно да дојде до таков напредок.
Резолуцијата е усвоена со 577 гласа „за“, 92 „против“ и 29 „воздржани“.