Србија останува во игра за одбрана на титулата на Европското одбојкарско првенство во женска конкуренција. Националниот тим на северниот сосед во осминафиналето во Анкара, според очекувањата, ја совлада Романија со 3:0 (по сетови: 25:20, 25:17, 25:23).
Составот на Зоран Терзиќ, иако без Тијана Бошковиќ во стартната шесторка, немаше особени проблеми во дуелот со Романките над кои славеше на континенталните шампионати во 2005 година (3:2), во 2011 година (3:0) и во 2015 година (3:0).
Разликата ја направи блокот, елемент што функционираше на задоволително ниво во српскиот тим и пресуди за анулирање на негативата во првиот сет. Бранителките на тронот без осцилации го одиграа наредниот сет, а на најголем отпор наидоа во третиот. Го почнаа без доволно концентрација и енергија и резултатски беа во минус до 14:17 меѓутоа успеаја навреме да се „разбудат“ и со серија од 8:2 да поведат со 22:19 што беше доволно да спречат четврти сет.
Турција во единствениот осминафинален меч во пет сета ја елиминира Хрватска со 3:2 (26:24, 18:25, 31:33, 25:22, 16:14), а Германија со максимални 3:0 (25:21, 25:15, 25:20) ја порази Словенија.
ЕП 2019 во одбојка (ж), осминафинале
Русија – Белгија 3:1 (25:22, 25:15, 21:25, 25:22)
Холандија – Грција 3:0 (25:21, 25:23, 25:12)
Србија – Романија 3:0 (25:20, 25:17, 25:23)
Италија – Словачка 3:0 (25:20, 25:23, 25:20)
Германија – Словенија 3:0 (25:21, 25:15, 25:20)
Азербејџан – Бугарија 0:3 (12:25, 16:25, 23:25)
Турција – Хрватска 3:2 (26:24, 18:25, 31:33, 25:22, 16:14)
Полска – Шпанија 3:0 (25:20, 25:20, 25:19)
Двојки за четврт-финале (среда)
Србија – Бугарија
Италија – Русија
Турција – Холандија
Полска – Германија