Европското првенство во фудбал вечерва завршува и во последниот натпревар во финалето на Стад де Франс во париското предградие Саинт Денис ќе играат домаќинот Франција и Португалија. Тоа е расплет, не толку квалиtетен, колку неизвесен турнир во кој никој не доминираше.
Во финалето се две, би се рекло, најпрагматични репрезентации кои тактиката и играта знаеја да ја прилагодат во секоја ситуација и двајцата селектори Дидиер Дешампс и Фернандо Сантос заслужуваат пофалби, бидејќи тоа е и нивен допринос на овој исклучителен резултат.
Франција како домаќин на првенството имаше огромен притисок, како што го има и за ова финале. Француската фудбалска и навивачка јавност сепак е уверена дека најтешката пречка е прескокната во полуфиналето, а кога на тоа ќе се додаде фактот дека Франција од Пoртугалија нема изгубеo дури 41 година, а во последните 10 натпревари има исто толку победи, па така на оптимизмот не му се гледа крајот.
Но, финалето е секогаш неизвесно. Секако, на сите во устата им е Роналдо, кој со голот против Велс, уште еднаш прати порака за каков фудбалски „ѕвер“ станува збор. Па така, на ниедна репрезентација не и е лесно да се отвори против соперник какоv што е Португалија со Роналдо.
„Ние сме домаќини и свесни сме дека победата во полуфиналеto против Германија не значи речиси ништо, ако не станеме прваци. Тој притисок го имаме од почетокот на првенството, иако лично тоа би го опишал како голема доза на адреналин кој ме тресе. Полесно ќе ми беше да бидам на терен и да играм таму, а вака само знам дека е овој најважен меч во мојата досегашна тренерска кариера.“, открива францускиот селектор Дешамп, кој како играч беше и светски првак во 1998 година и европски во 2000 година.
Тој додава и дека ако постои „анти – Роналдо план“, никој се уште не го открил целиот рецепт. Тој е врвен играч, можеби и најдобар на светот. „Ќе биде одлично да го неутрализираме, ако ништо друго, битно е да се ограничи неговото влијание“, вели францускиот селектор.
Селекторот на Португалија, Сантос, вели дека е задоволен со фактот што Французите себе си се промовираа како фаворити, па ќе имаат полесна задача во психолошка подготовка.
„Нашиот тим е мешавина од младост и искуство. Нашата младост ќе ни даде непочитување и спортска дрскост, а кога тоа е измешано со искуство кое го имаме и кое е навикнато на победа, тоа би требало да донесе резултат. Мислам дека имаме се што е потребно за да и донесеме голема среќа на нашата земја и на навивачите.“, заклучува португалскиот селектор.
„Многу ми значи финалето со Франција, затоа што тоа е нешто за што долго сонував. Сакам да ја освојам титулата првак со репрезентацијата, бидејќи тоа веќе го постигнав на клубско и индивидувално ниво. Целата земја стои позади нас и верува дека ние можеме до трофејот.“, изјави Кристијано Роналдо.