Реал Мадрид го доби кошаркарското „Ел Класико“ против Барселона во 27. коло во Евролигата и на три гола до крајот на основниот дел на сезоната се врати на лидерската позиција на табелата. Конечни 85:69 за „кралскиот клуб“ кој беше подобар во три четвртини од средбата.
Победникот беше решен по првите две четвртини. Мадриѓани на одмор заминаа со големи 14 поени ралика (22:13 и 19:14) и во продолженија рутиснки го доработија вечниот ривал. Серхио Љуљ и овојпат беше најдобар поединец на теренот со 21 поен, три скока, шест асистенции и две освоени топки. Густаво Ајон додаде 14 коша, Ентони Рендолф уфрли 13. По 12 за Каталонците запишаа Анте Томиќ и Тајрис Рајс.
Олимпијакос го „преживеа“ белградскиот пекол, Принтезис кобен за Црвена звезда
Олимпијакос се протна низ иглени уши во белградска „Комбанк арена“. Тимот од Пиреја ја совлада Црвена звезда со 66:64 по продолженија. Кобен за домашните беше Принтезис со погодокот на три секунди пред крајот. Џенкинс се обиде да возврати од пола терен, но беше непрецизен.
„Црвено-белите“ пропуштија да слават против „братскиот“, по бои, ривал од Атина. По првите два периода имаа 17:30, третиот го одиграа како во транс и фатија резултатски чекор во мечот, а одлично влегоа и во завршните десет минути. Но, не продолжија во ист ритам, па Олимпијакос ја зграпчи укажаната шанса. Грчкиот состав најпрво се избори за нерешени 58:58 и екстра баскет минутажа во која беше подобар со 6:8 за конечни 64:66.
Костас Папаниколау со 17 коша, Димитриос Аграванис со 16 и Јоргос Принтезис со 15 ги преводеа атињаните со 20 триумф во сезоната, Гудуриќ со 14 поени и Џенкинс со 13 беа први стрелци во екипата на Дејан Радоњиќ.
Олимпијакос е сигурен четвртфиналист во Евролигата. Црвена звезда, пак, го држи последното место што води во топ 8 со 15 победи колку и Анадолу Ефес на седмта позиција. Олеснителна околност за белграѓани беше победата на ЦСКА Москва против Дарушафака со 95:85.
Евролига
Резултати, 27 коло
Реал Мадрид – Барселона 85:69
Галатасарај – Уникс Казан 75:67
Црвена звезда – Олимпијакос 64:66 (по продолженија)
ЦСКА Москва – Дарушафака 95:85
Фенербахче – Макаби Тел Авив 79:81
Панатинаикос – Милано 74:61
Бамберг – Басконија 71:96
Жалгирис – Анадолу Ефес 68:76