Женската тениска репрезентација на Чешка ја одбрани титулата во Федерејшн купот по победата во финалето во Стразбур над Франција со 3:2. Клучен беше натпреварот во двојки во кој Барбара Стрицова и Каролина Плишкова ги совладаа Каролин Гарсија и Кристина Младеновиќ со 7:5, 7:5 за петти успех на чешките тенисерки во натпреварувањето во последните шест години.

Плишкова обезбеди водство за Чешка по триумфот во првиот дуел против Младеновиќ со 6:3, 4:6, 16:14. Третиот сет со 30 одиграни гема е најдолг во историја на Федерејшн купот. Французинките возвратија преку Гарсија која со 7:6, 6:3 ја совлада Петра Квитова. Гарсија го реши во своја корист и вториот настап во сингл против Плишкова (6:3, 3:6, 6:3), израмнување на донесе Стрицова по дуелот со Ализ Корне (6:2, 7:6).

За чешките тенисерки ова е трета титула во низа во Фед купот. Последна што успеа во тоа беше селекцијата на Шпанија во периодот од 1993 година до 1995 година.