Целта е да продолжиме да живееме нормално вакцинирани. Доколку сме вакцинирани во висок процент и има одреден степен со вакцинален колективен имунитет, колку и да е позаразен новиот сој, нема да се повтори претходната слика од претходниот бран бидејќи вакцината е таа што не штити, апелира министерот за здравство Венко Филипче.

– Апелирам граѓаните да се јават на пунктовите и да се вакцинираат. Веќе од понеделник сите пунктови ќе бидат отворени и ќе може да се вакцинираат сите оние кои сакаат да се вакцинираат и без да се пријават. Ако сакаме да се вратиме во нормала, ќе мора сите да се вакцинираме, потенцираше Министерот за здравство Венк Филипче.

Филипче рече дека ќе се дозволи вакцинирање на деца од 12 до 16 годишна возраст со вакцината на Фајзер.

– Покрај најавата дека од понеделник започнува теренската вакцинација ве информирам дека ќе се дозволи и вакцинирање на деца од 12 до 16 години со вакцината на Фајзер којашто во овој момент е единствена вакцина која е дозволена да се користи за деца, изјави министерот за здравство.

Поради детектирањето на индиската – делта варијанта на коронавирусот кај пациенти во земјава, можно е воведување мерки на границите при влез во Северна Македонија, но не и реорганизација на она што сега функционира како што се отворени установи со протоколи. 

– Евентуално барање на ПЦР тестови или потврди за вакцини или доказ за прележана болест, она што е стандард и во некои од другите земји, но мора да кажам дека ќе видиме каква ќе биде ситуацијата во регионот поради тоа што мерките мора да се усогласени, изјави Филипче по средбата со академик д-р Александар Димовски од Центарот за генетички инженеринг и биотехнологија од Македонската академија за наука и уметности (МАНУ) 

До крајот на неделава, информира Филипче, со членовите на Комисијата за заразни болести ќе се дискутира дали сегашната состојба бара воведување некакви рестриктивни мерки.  

Според него, логично е да се очекува дека новиот сој побрзо ќе се шири, но доколку сме вакцинирани во висок процент и има одреден степен колективен имунитет, колку и да е позаразен, нема да се повтори  сликата со претходниот британски сој и тогашниот силен бран. 

Министерот Филипче потенцира дека генерално состојбата во земјава и понатаму е мирна и апелираше граѓаните да се вакцинираат на пунктовите, кои од понеделник ќе бидат отворени и нема да има потреба од закажување. 

На прашањето дали граѓаните ќе може да бираат со која вакцина сакаат да се вакцинираат, министерот рече дека во принцип таа вакцина која е на располагање, таа ќе може да се прими, бидејќи како што потврди, сите вакцини се добри.