Според податоци на СЗО, симптомите на грип и на ковид-19 се различни од лице до лице, но постои и група на исти симптоми што се забележани кај заболените, пишува Бизнис инсајдер.

Хрватска го пријави првиот случај на флурона по што на социјалните мрежи почнаа да се споделуваат тврдења дека станува збор за нов сој на коронавирусот. Но, не е така. Последната идентификувана мутација на ковид-19 е омикрон по која Светската здравствена организација (СЗО) не објави друга. Па оттука, логично се поставува прашањето што претставува флурона?

Објаснување нудат хрватските медиуми кои, повикувајќи се на тамошни здравствени лица, посочуваат дека флурона е состојба на истовремено присуство на ковид-19 и вирус на грип тип А, односно сој на свински груп Х3Н2.

Со оглед дека имаме мултиплекс ПЦР тест со кој се дијагностицира коронавирус, а кој воедно е чувствителен и на вирусот на грип, тогаш во земените материјали може да се откријат двата вируса што за првпат и се случи кај тестирана млада пациентка. Денеска правиме т.н. типизациски тест кој потоа ќе го испратиме до ХЗЈЗ како референтен центар за респираторни болести, објаснува проф. др. Јасмина Вранеш, дитректорка на службата за клиничка микробиологија при Заводот за јавно здравство „Андрија Штампар“ во Загреб, пренесува „Јутарњи лист“.

Таа додава дека називот Флурона настанал од називите за грип (Флу) и корона и дека оваа сезона се очекува честа дијагностика на вакви случаи.

Според податоци на СЗО, симптомите на грип и на ковид-19 се различни од лице до лице, но постои и група на исти симптоми што се забележани кај заболените, пишува Бизнис инсајдер.

Во прашање се губење на сетилата за мирис и вкус, температура, кашлица, отежнато дишење, губење на апетит, болка во градите. Од СЗО порачуваат дека благите симптоми на флурона може да се лекуваат и во домашни услови и оти нема потреба од хоспитализација.

Сепак, постојат и потешки симптоми на флурона кои може да вклучуваат воспаление на градите, миокардитис и воспаление на срцевиот мускул.