Ланскиот финалист во кошаркарската Евролига вечерва е гостин на Работнички во рамки на прославата на 70. роденден на клубот од Градски парк. Спекталот во салата „Борис Трајковски“ почннува во 19 часот.
Фенербахче пристигна во Скопје. Турскиот кошаркарски гигант и лански финалист во Евролигата вечерва (19 ч., сала „Борис Трајковски“) ќе одигра ревијален меч против Работнички како централна манифестација во одбележувањето на 70. роденден на клубот од Градски парк.
Дел од тимот на Жељко Обрадовиќ ќе биде и поранешниот капитен на македонската репрезентациија, Перо Антиќ кој има клучна улога во гостувањето на Фенер.
Фенербахче пристигна во главниот град во најсилен состав, па домашната публика ќе може да ужива во перформансот на Костас Слукас, Луиџи Датоме, Богдан Богдановиќ, Екое Удо, Јан Весели, итн.
Капацитетот на салата „Борис Трајковски“ е распродаден. Билетите за вечерашниот спектакл меѓу Работнички и Фенербахче беа распродадени веднаш по пуштањето во оптек. Натпреварот ќе биде проштален за Тодор Гечевски, еден од најдобрите македонски кошаркари, кој по, вкупно, 12 сезони во дресот на клубот од Градски парк ќе ја заврши својата богата кариера.
